இப்போது ஸ்பெயின் அரசு வரி செலுத்தவேண்டாம் என்று அறிவித்ததும் இந்த ரகசிய இருப்பை வெளியே கொண்டுவர முயன்றனர். வங்கியிலிருந்து பணத்தை எடுக்க முயன்ற போது தங்கள் கணக்கிலிருந்த பணம் 60, 70 சதவீதம் குறைந்திருந்ததை அறிந்தனர்.

உடனே வங்கி இப்பிரச்னை குறித்து ஆராய்ந்ததில் ஸ்பெயின் நாட்டைச் சேர்ந்த தனது முன்னாள் மேலாளர் மீது சந்தேகம் தோன்றியது. அவர் மீது டிசம்பர் 24 அன்று காவல்நிலையத்தில் புகார் செய்யப்பட்டது. அவர் இப்போது சுவிட்சர்லாந்தை விட்டு வெளியேறி ஸ்பெயினில் தங்கியுள்ளார்.

முன்னாள் மேலாளர், தனது வங்கி வாடிக்கையாளர்களிடம் நல்ல இணக்கமான முறையில் பழகி வந்தார். அவர்களின் வங்கியிருப்பு குறித்த ஆவணங்களை அவ்வப்போது அவர்களிடம் காண்பித்ததால் எவருக்கும் இவர் மீது சந்தேகம் தோன்றவில்லை.

ஆனால் இவர் காண்பித்த ஆவணங்கள் அனைத்தும் பொய்யானவை என்பது இப்போது கண்டுபிடிக்கப்பட்டுள்ளது. ஜெனீவா அதிகாரி டேரியோ ஜனி, நாளிதழுக்கு அளித்த தகவலில் முன்னாள் மேலாளர் மீது புகார் கொடுக்கப்பட்டதாக மட்டும் கூறினார். வங்கியின் செய்தித் தொடர்பாளர், விசாரணை நடந்துகொண்டிருப்பதால் இவ்வழக்கு குறித்து எதுவும் தெரிவிக்க மறுத்துவிட்டார்.